Kralendijk- Pa fasilitá e proseso di registrashon pa bakunashon kontra di Covid-19 a habri un linea di telefon gratis nobo. E number en kestion ta 0800-0900.
Esaki diputado Nina den Heyer a splika djarason atardi den un reunion di Komishon di Covid den Konseho Insular. Pa basta tempu kaba tabata konstatá e problema di kongestion den yamamentu di e number gratis 0800 0800 ya ku e number aki ta usa tambe pa traha sita pa pasa tèst di Covid i tambe pa informashon general.
Banda di registrashon via e number nobo, por sigui registrá tambe di forma online via www.bonairecrisis.com.
Mas bakuna
Diputado Den Heyer a splika tambe ku e intenshon ta pa bakuná mas tantu hende pa dia. Ya kaba ta bakunando banda di 500 persona pa dia aktualmente, pero por lo pronto ta e intenshon pa dal un siguiente stap pa por oumentá un biaha mas e kantidat di hende ku ta bakunando pa dia.
Kushina di Bario Nort’i Salinja: kuminda ku habitantenan di Nort’i Salinja ta kushiná pa otro habitantenan di e bario
Organisashonnan di bestia ta entamá huisio sumario kontra Dierenbescherming
Boneiru tin problema pa saka sèn, pero e motibu pakiko no ta kla
A invitá Loekie Morales pa Siman Ban Lesa na Kòrsou
