WILLEMSTAD – Djabièrnè último polis a duna 160 but durante dos kòntròl di tráfiko riba un dia. E kòntròlnan aki tabata na kaminda Rignald S. Recordino en na Snipweg banda di Biesheuvel i tabata konsentrá riba bisti faha di seguridat i papia na telefon tras di stür.
Na e promè kòntròl a duna enberdat kuarentishete but pa kore sin faha di seguridat i nuebe pa papia na telefon tras di stür. Banda di esei di djeseis outomobilista nan papelnan no tabata na òrdu. Nan tabata kore sin reibeweis, prueba di kùr, prueba di seguro of no a paga impuesto di outo.
Na e di dos kòntròl na Biesheuvel a hala ochentinuebe outomobilista un banda, a duna sinkuentidos but i aki tambe di trintikuater persona e papelnan no tabata na òrdu.
Seis shofùr no tabatin faha di seguridat bistí, kuater tabata kore ku glas skur, seis outomobilista a pasa dor di lus kòrá i shete outomobilista no tabatin mag di sigui kore. A tou nan outo riba propio gastu.
Obra teatral ta toka e tema di tenshon na kas di famia
EZ Air ta legumai inkorporashon di Saab 2000 i ta buskando alternativa
Aeropuerto di Aruba huntu ku DCCA ta organisá siman di aviashon duradero
Sanktuario di Buriku Boneiru ta eksistí 30 aña
