50.000 dòler pa Ronald McDonald House Charities Curaçao

WILLEMSTAD – Bishitantenan di Baoase Luxury Resort a logra rekoudá 50.000 dòler riba aña nobo pa Ronald McDonald House Charities. A rekoudá djesun mil dòler ku benta di kasi 100 kangreu, sinku mil dòler a bini di benta na subasta di dos anochi den Beachfront Pool Suites di e risòrt.

Kada aña e risòrt ta organisá riba 1 di yanüari un asina yamá Kareda di Kangreu pa 

selebrá  e aña nobo ku Shampaña i ‘oliebollen’ pa su wéspetnan. Ta  invitá 

wéspetnan pa kumpra nan kangreu favorito pa e kareda, kaminda ta entregá tur e 

sèn ku a rekoudá na Ronald McDonald House.

Pero e aña aki no a keda na kangreu so. Un famia lokal generoso ku ta kedando na Baoase a hasi un donashon ku a okashoná un reakshon di kadena di donashon di otro famianan ku tabata kedando na Baboase. E akshon aki a sera un montante final impreshonante di 50.000 dòler.