WILLEMSTAD – E kantidat di pashèntnan ku Covid ta sigui baha na Kòrsou. E siman aki a bin 34 pashènt nobo aserka. Esaki ta mésun tantu ku siman pasá, pero komo ku tambe 49 pashènt por a sali for di isolashon, e kasonan aktivo a baha di 62 pa 46.

E kantidat di tèst a subi ku un porshento i a yega 11.4 porshento, ya ku a tèst ménos hende.

E kantidat di pashèntnan ku covid-19 den hòspital a baha di sinku pa tres komo ku un pashènt a fayesé tambe. E kantidat di hende ku a muri pa motibu di e malesa infeksioso aki desde e komienso di e krísis di covid a bira 286.

Aruba

Na Aruba a tèst 124 hende positivo siman pasá. E siman promé esei tabata ainda 166. Komo ku ménos hende a sali for di isolashon e kasonan aktivo a oumentá di 86 pa 122.

E situashon den Hòspital Oduber a mehorá. Aya tin solamente dos pashènt den sala kontrali na sinku e siman anterior.

Ya pa di dos siman konsekutivo tantu na Aruba komo na Kòrsou no tin ningun pashènt den Kuido Intensivo.