ORANJESTAD – Un kandela fuerte a kima e kompania di resiklahe Daltra Antilles na Barcadera kompletamente ayera. E kompania ta prosesá entre otro outonan bieu pa prosesá metal. Kousa di e kandela no ta konosí ainda

E kandela a kuminsá den kareda di 12’or i por a mira huma pretu te leu den besindario i tabata un molèster entre otro pa tráfiko aéreo. Mester a desviá avionnan.

Daltra Antilles ta situá serka di e depósito di Parkietenbos. Di aleu tabata parse ku e kandela tabata na e depósito.

Tabata difísil pa brantwer paga e kandela pasobra tin un skarsedat di outo pa paga kandela. Pero ku asistensia di DOW i material èksta por a dominá e kandela den kareda di anochi.