ORANJESTAD – Tanten ku no a finalisá e prosedura di presupuesto entre Aruba i e Kolegio di Supervishon finansiero di Aruba (CAft), Aruba no ta haña sosten di likides di Hulanda. Esei Alexandra van Huffelen a bisa na final di Konseho di Minister di Reino djabièrnè pasá.

Promé si a konsedé kuater mion, pero e sèn ei ta keda Den Haag un ratu. Den e promé kuartal di e aña aki Konseho di Minister di Reino a duna djesdos mion florin di sosten di likides.

Segun e Kolegio di sosten finansiero, ku a konsehá pa intervení,  Aruba ta keda saka mucho sèn. E aña aki gobièrnu di Evelyn Wever-Croes tin idea di gasta 213 mion florin na merkansia- i servisionan, mientras ku a palabrá pa baha e gastunan aki strukturalmente te ku 165 mion, pues na e nivel di 2017.

E ora ei ainda e presupuesto no ta ekilibrá manera lei ta preskribí, pero esei ta permití temporalmente pa motibu di e pandemia.

Promé Minister Wever-Croes ta bai buska awor otro manera pa komplementá  e défisit finansiero.