KRALENDIJK- Riba djarason atardi agentenan di Kuerpo Polisial Hulanda Karibense a realisá 2 kòntròl di trafiko bastante grandi na altura di Kaya International i Kaya Industria. 

Durante di e kòntròlnan aki a enfoká riba uso di faha di seguridat, uso di telefon i tambe seguro i rijbewijs. 

Resultado di e kòntròlnan tabata un kantidat gigantesko di no ménos ku 108 prosèsferba pa falta di kumpli ku e lei di tráfiko. 

Segun bosero di Polis a trese dilanti, un tráfiko sigur ta kuminsá na kada hende ku ta partisipá den tráfiko. Kuerpo Polisial ta supliká kada usuario di kareteranan di Boneiru pa kumpli ku e reglanan vigente pa asina nos tur por disfrutá di un tráfiko sigur.