ORANJESTAD – Studiantenan ku kier risibí pagonan di nan fiansa di Aruba pa e promé periodo mester entregá nan dokumentonan promé ku 15 di sèptèmber 2022. Esaki direkshon di Enseñansa di ARUBA, DEA ta bisa.

E pago den término no ta bai outomátikamente, pero ta e studiante mes mester apliká p’e.

Pa hasi esaki , e studiantenen mester drenta den nan kuenta di fiansa di Aruba pa medio di e portal di Aruba www.ea.aw.

Ta trata di dokumentunan manera un prueba ofisial di (re)inskripshon pa e aña eskolar 2022/2023 kaminda e studiante ta studia. Tambe ta nesesario un prueba ofisial di e lista di sifra/transkripshon(un bista di e adelanto di estudio) di aña 2021 – 2022 i un prueba di un seguro bálido pa e aña eskolar 2022 – 2023. Esaki no ta konta pa studiantenan na Aruba.

Unabes ku e dokumentunan menshoná ta na òrdu, lo aprobá e pago i e studiante lo risibí e fiansa di Aruba riba su kuenta registrá na Direkshon di Eneñansa.

Na e momentonan aki e sekshon di Fasilidat di estudio i guia ta prosesando e tantísimo petishonnan di pago.

Esaki lo por dura te ku 30 di sèptèmber 2022 i si no a risibí e pago pa 3 di òktober 2022, e studiante mester tuma kontakto direkamente atrabes di [email protected].