ORANJESTAD – Aruba ta stòp ku kódigo di koló na aeropuerto pa pasaheronan ku ta biaha pa Estados Unido. E asina yamá Passenger Flow Control tabata determiná ki ora pasaheronan por a drenta e edifisio di aeropuerto pa check in.

For di awe ta ehekutá buelonan pa Estados Unido sin restrikshon pa drenta. Pasaheronan mester ta na aeropuerto tres ora promé ku nan buelo ta lanta. Ta rekomendá pasaheronan ku ta biaha pa otro destinashon pa ta presente por lo ménos dos ora promé ku nan orario pa biaha.

Despues ku a evaluá e sistema di kódigo di koló ku tur aktor di aeropuerto ku tabata enbolbí na momentu ku a kuminsá ku e sistema aki na komienso di e aña aki, a disidí pa eliminá e sistema di kontrolá e fluho aki temporalmente.

Awor ku Aruba ta drentando e lunanan ku ménos pasahero, no mester di e sistema aki mas, e operadó di aeropuerto ta bisa. Lo implementá  adaptashonnan chikí dentro di e proseso total di check in i e proseso di fluho di pasahero i lo bolbe hasi un evaluashon promé ku Aruba drenta e temporada di verano na fin di e aña aki.