ORANJESTAD – Aruba ta bai kuminsá ku kòntròl i supervishon na Akohida di Mucha riba e isla. Directie Kind en Jeugd lo kordiná e supervishon sentral riba un método integral ku diferente plataforma di gruponan di interes manera Dienst Volksgezondheid i  Brantwer. Pa esaki ta tuma e Handleiding Kwaliteitseisen Kinderopvang komo guia.

Segun gobièrnu no ta e intenshon pa sera e krèshnan. Ta netamente e intenshon pa ofresé e kreshnan un periodo di transishon i duna guia pa mehorashon kaminda ta nesesario i mantené e mehorashonnan aki.

Ta bini un kódigo di protekshon pa e krèshnan. 76 direktiva di krèsh a sigui un kurso pa esei i Directie Kind en Jeugd lo perkurá ku lo establesé e kódigo ku un plan di implementashon. E kódigo ta sirbi komo manual na momentu ku tin sospecho di abusu di mucha.