ORANJESTAD – Polis a detené ayera mainta shofùr Stephen W. Ta ten’é responsabel pa morto di tres persona djadumingu 2 di òktober durante un aksidente di tráfiko na Seroe Colorado.

Dos ruman muhé i un mucha di tres aña a pèrdè nan bida.  A transportá tres otro persona pa hòspital, entre kua W. Di un persona mas e situashon tabata krítiko.

Ta akusá W. Di 29 aña di asesinato di segundo grado  òf asesinato pa propio kulpa. Despues ku el a sali for di hòspital a deten’é. Polis no a bisa nada di e kousa di e choke entre e dos outonan.

E sitio di notisia 24ora.com ta informá ku nan a papia ku dos testigu ku ta bisa ku e dos outonan enbolbí tabata pusta ken lo a yega trabou promé. Ámbos shofùr ta traha den un restorant na Baby Beach.