ORANJESTAD- Awe mainta a inisiá na Hyatt hotèl na Palm Beach e konferensia ‘A flight to the Future’ di Dutch Caribbean Cooperation of Airports (DCCA).

Durante e konferensia e partisipantenan di tur seis isla ta papia di maneranan pa hasi aviashon riba e islanan mas duradero. Un parti esensial ta e ambishon  en todo kaso pa a largo plaso bula kompletamente eléktriko entre e islanan.

Minister di transporte, Ursell Arends, a duna inisio na e konferensia i a mustra riba e importansia pa bula eléktriko pa asina hasi aviashon mas duradero. “Mi ta orguyoso ku Aruba ta tuma e liderasgo ku e promé buelo eléktriko ku lo lanta for di nos isla”.

Buelonan di demostrashon

Den kuadro di e konferensia lo efektuá buelonan tambe ku Pipistrel Velis Electro, un avion eléktriko liviano ku a trese Aruba spesial pa e konferensia.