ORANJESTAD – Aeropuertonan di islanan Hulanda Karibense i Hulanda ta komprometé nan mes pa mehorá konektividat entre e islanan hasiendo esaki mas pagabel, mas efisiente i mas duradero. Esei e órgano general DCCA ta informá.

Nan ta reuniendo na e promé evento International Sustainable Air Transportation, A Flight to the Future, kaminda nan a firma un Memorandum of Understanding, MOU, lokual ta un dokumentu kaminda dos òf mas partido ta dokumentá nan propósitonan komun.

Ku e firmamentu aki entre e seis islanan Hulanda Karibense, Hulanda, e seis aeropuertonan di Hulanda Karibense i e Asosiashon Hulandes di Aeropuertonan, a logra un etapa históriko  na komienso di e evento awe mainta, segun DCCA.

E MOU aki ta hasi posibel pa e islanan sondea i establesé konekshonnan aéreo entre Kòrsou, Aruba, St. Maarten, Boneiru, St. Eustatius i Saba pagabel, efisiente i duradero, i, mas spesífiko, pa usa buelonan motorisá sin emishon (kaminda tur hende por inskribí) pa efektuá e konektividat aéreo menshoná.

Na total djessinku dignatario di e sinku islanan i Hulanda a ekspresá nan kompromiso pa e memorandum i a kumbiní pa forma un komité direktivo i un grupo di akshon ku ta bai traha na un Joint Business Plan kon por realisá esaki. Ta entregá e plan empresarial aki shete luna despues di firmamentu di e MOU.