PARAMARIBO – Sürnam tin un kompania di aviashon nobo. Badjas Airlines, ku ta parti di Badjas Group, a risibí su promé avion, un ATR 42-300. Pronto mester agregá dos avion mas na e fleta, luchtvaartnieuws.nl  ta informá.

Badjas Group tin seis empresa, manera un empresa di bùs, empresa di transporte i un departamentu di hür mashinnan pisá.

Badjas Airlines ta bai okupá su mes ku ofresé buelonan pa karga entre Sürnam i Àrea Karibense.

E promé ATR 42 ta registrá na Aruba bou di e number P4-RTS. A konstruí e avion mas ku 32 aña pasá pa Continental Express i despues el a bula pa Indonesische KalStar Aviation i Expressair.