ORANJESTAD – Ta bai drecha e playa di Mangel Haltu na Pos Chikito.  Ya pa basta tempu e palapanan aktual a daña, mientras ku a destruí algun. E atministradó di Parke Nashonal di Aruba, FPNA, lo bai traha na tur djesun kabana nobo i ta bai renobá e tres palapanan 

Mangel Halto ta un playa ku ta hopi gustá serka baidonan di laman i turistanan. Aruba Tourism Authority, ATA, i e atministradó di playa, FPNA, ta finansiá e proyekto.

FPNA ta un fundashon independiente ku ta responsabel pa  konservashon i atministrashon di áreanan di naturalesa  i zonanan marítimo protehá na Aruba. E ta traha huntu ku ATA na e diseño di e palapa- i kabananan.

Mangel Halto ta un área di naturalesa i ta protehá pa Marine Protected Area (MPA) Mangel Halto Park. Segun e atministradó ta di sumo importansia pa protehá  i konservá e área aki pa kumpli ku ambishonnan di turismo duradero.