DEN HAAG – Den e parti Karibense di Reino a registrá na luna di novèmber 474 kasonan di tèst positivo, lokual ta un bahada kompará ku òktober ora a registrá 545 kaso.

E kantidat di morto relatá na COVID-19 tabata abou riba tur isla na luna di novèmber: sinku kaso den luna di novèmber kompará ku djesun den luna di òktober. Riba e islanan BES no a registrá fayesimentu nobo relatá ku COVID-19 for di 22 di ougùstùs.

Kòrsou  a registrá luna pasá 97 kaso di resultado di tèst positivo, mas abou ku 121 na luna di òktober. E kantidat di kasonan di hospitalisashon relatá ku COVID-19 a bai un poko, di 15 na luna di òktober pa 11 na luna di novèmber.

Na tur a registrá sinku fayesimentu ménos na luna di novèmber; tur pashènt tabata mas bieu ku 65 aña i a fayesé den un instituto di kuido.

Den e promé siman di dezèmber pa kada 100.000 habitante bintishete a haña un resultado di tèst positivo, lokual ta 20 porshento.

Aruba

Aruba tin den luna di novèmber 266 resultado di tèst positivo, trinta hospitalisashon relatá ku COVID-19 i ménos ku sinku kaso di fayesimentu. Esaki ta un subida kompará ku 187 kaso den luna di òktober.

E kantidat di kasonan di hospitalisashon relatá ku COVID-19 a subi di 18 kaso den luna di òktober pa 30 kaso den luna di novèmber. Pero e no tabata di tal gravedat ku tabatin menasa di tenshon den hòspital.

Serka sinku di e trinta pashèntnan ku tabata interná tabata trata di menornan di edat. A korihí e kasonan di mortalidat relatá ku COVID-19 mirando bèk riba kasonan den pasado i e ta sali mas haltu ku den reportahenan anterior. 

E kantidat di morto ku a registrá tabata konsistí di tantu morto pa medio di COVID-19 komo di COVID-19. Den e promé siman di dezèmber pa kada 100.000 persona 42 persona a haña un resultado di tèst positivo lokual ta 21 porshento.

Boneiru

Na Boneiru a registrá na luna di novèmber 82 infekshon ku COVID-19, lokual ta mas abou ku 112 den luna di òktober. Tabatin ménos ku sinku hospitalisashon relatá ku COVID-19 na luna di novèmber i no a registrá morto relashoná ku COVID-19.

Den e promé siman di dezèmber di kada 100.000 habitante 160 persona a haña un resultado di tèst positivo lokual ta marka 68 porshento na GGD.

Supvariantenan

Na Aruba  tin (79% den siman 46) mas tantu e supvariante 22E (Omicron) BQ.1 i derivadonan (derivá di BA.5). Banda di esei ta sirkulando e supvariante 22B (Omicron) BA.5 i derivadonan (21% den siman 46).

Na Boneiru tin mas tantu e supvariante 22B (Omicron) BA.5 i derivadonan (50% den siman 47) tambe ta sirkulando riba e isla e supvariantenan 22E (Omicron) BQ.1 i derivadonan (25% den siman 47) i supvariante 22F (Omicron) XBB i derivadonan (recombinant di BA.2.75 i BA.2.10 derivá) (25% den siman 47). E porsentahe di supvariante 22F a subi rápido entre siman 41 i 47 riba e isla.

Na Kòrsou tin e supvariante 22B (Omicron) BA.5 i derivado (50% den siman 46). Tambe ta sirkulá riba e isla e supvariantenan 22E (Omicron) BQ.1 i derivado (derivado di BA.5) (40% den siman 46) i 22F (Omicron) XBB i derivadonan (recombinant di BA.2.75 i BA.2.10 derivá) (10% den siman 46).