KRALENDIJK—Djaweps atardi a tuma lugá e European Cultural Exchage Fair na Jong Bonaire. Ta trata di un aktividat, netamente pa studiantenan ku ta bai studia afó, haña un idea kon e bida ta aya banda, i kiko nan or spera. 

OCT Youth Network a organisá e aktividat. Alumnonan di enseñansa avansá i enseñansa profeshonal sekundario (MBO) ku tin intenshon pa despues di optené nan diploma bai sigui studia òf traha den eksterior, esaki ta hopi interesante pa nan. 

Esaki ta hopi bon, pa e studiante por ta prepará i no haña sorpresa di loke nan a pensa. Bonerianonan ku a studia i traha den Union Oropeo, òf paisnan i teritorionan di Oropeo, a duna informashon durante e atardi. 

Siña

Nan a papia ku e hóbennan tokante trabou boluntario den eksterior, OCT Youth Network, Studia den eksterior i traha den eksterior. Hopi mucha a pasa pa tende kiko tur nan por siña di e aktividat. E ta bon pa hóbennan di MBO, pa momentu nan finalisá na Boneiru, nan por sigui studia na Oropa.