WILLEMSTAD – Polis di Kòrsou a hasi un detenshon importante despues di un seri di ladronisia i atrako den luna di ougùstùs. E sospechoso, un hòmber di 31 aña, ta sospechá en konekshon ku dos atrako ku a tuma lugá separá den Willemstad.

Riba 8 di ougùstùs a raportá un atrako na Jacob Binckestraat. Seis dia despues riba, 14 di ougùstùs, tabatin un insidente similar na Pelikaanweg. Ademas ta relashoná e hòmber ku un ladronisia riba e mésun dia den ougùstùs na Bulevar Helmin Magno Wiels, den serkania di supermerkado Pico Cash & Carry.

Djabièrnè den kareda di 2.15 di merdia e tim di polis spesialisá den atrako ta hasi e detenshon. E sitio di aresto tabata den Jan Erasmusstraat na Willemstad. Despues di su detenshon e sospechoso mester a aparesé dilanti fiskal athunto. Despues di interogashon a disidí pa tene e hòmber den kustodia polisial en espera di mas investigashon di e insidentenan menshoná.