GUSTAVIA – Un aterisahe ku a bai robes di un avion DHC-6 ‘Twinotter’ di e kompañia aéreo Frans-Antiyano Air Antilles a resultá den daño tremendo djaweps merdia na aeropuerto di e isla St. Barths.

Na e momento di aterisahe, e avion a bula sali for di e pista di aterisahe i a bin dal din un helikòper ku tabata stashoná den banda di e plataforma. E dalmente a pone ku e hala na man robes di e avion a kasi wòrdu kitá afò, mientras ku e helikòper a wòrd bentá riba su banda. 

Segun e piloto ku manehá e avion, e aterisahe na promé instante tabata bayendo normal, pero ora nan tabata poniendo brek, e avion a bira kita for di e pista. 

Ouke e daño material ta konsiderabel, mester gradisí ku niun hende no a resultá heridá. 

Investigashon

Autoridat di aviashon sivil Franses a inisiá mesora a kuminsá un investigashon pa determiná e kousa di e aksidente. 

Aeroporto di St. Barths ta konosí komo un di e mas peligroso den mundo. E pista di aterrizaje ta hopi kòrtiku i ta finalisá ariba algun meter di lama. Ademas, prome ku aterrizá mester pasa un seru na un altura hopi abou, promé ku biaha riba e pista.