BOGOTA- Ku un invershon di 473 miyon di dòler, Avianca a anunsia e inkorporashon di avionnan nobo pa aumenta nan presensia den diferente merkado. 

Segun informashon di parti di Adrián Neuhauser, direktor general di e aerolínea, ta trata di dos Airbus A320 i 14 A320neo ku ta yegando lo yega entre òktober i desèmber di e aña aki. E ekspanshon ta kai huntu ku posibel entrada di e aerolinea di baho kosto na Colombia, JetSMART. 

E 16 avion nobo lo agregá aproksimadamente un miyon di asiento semanal den biahenan doméstiko i internashonal. E kresementu lo ta prinsipalmente den rutan doméstiko, e segmento ku JetSMART tambe ta desea di atendé na prinsipio. 

E 16 avion lo ser finansiá ku e plaka propio di e aerolinea, pero tambe dor di hasi fiansa nobo. 

Merkadonan klave

Ku e A320 i A320neo adishonal, Avianca lo ofresé 4.249 biahe adishonal i 767.490 asiento pa siman. E kresementu den kapasidat tambe ta konsiderá Armenia, Barranquilla, Barrancabermeja, Bucaramanga, Cartagena, Cúcuta, Ibagué, Ipiales, Leticia, Montería, Pereira, Santa Marta, Valledupar i Villavicencio. 

Tambe ta planea ekspanshon di rutanan internashonal na Sentroamérika, Karibe i Merka.