KRALENDIJK – Siman ku a pasá, e klas di aspirante 2023-2025 di Kuerpo Polisial Hulanda Karibense, a inisiá e treinen di polis den forma di un ‘ontgroening’. Djadumingu, 17 di sèptèmber, nan a klousura e ‘ontgroening’ i e aspirantenan a marcha for di Sorobon i yega na warda di polis na Playa. Famia tabata presente pa risibí nan i yama bonbiní. 

Pa tur aspirante, tabata un sorpresa ku nan ta bai topa nan famia na warda di polis. Hopi emoshon serka mama nan i lágrima di tenshon, pa mira e miembro di famia, para den solo tur sodá nan dilanti.

Na e okashon a papia entre otro  Lionel Vrutaal, kende ta kordinadó di edukashon di KPCN,  kouch Roën Trinidad i Sherman Blanken komo trajectbegeleider pa e aspirantenan nobo. 

Presente

“Despues di 1 siman di trabou fuerte, boso ta aki sodá, kansá, pero tur 24 ta presente. Pabien. Sa ku e reto no a kaba. E sosten mas importante di e funshon aki ta, mama, tata, ruman i henter famia.”

 Despues miembronan di famia presente, tabatin oportunidat pa brasa nan aspirante di polis.