PARIJS/AMSTERDAM – Grupo Air France-KLM a revelá plan pa pidi 50 avion for di famia Airbus A350, inkluyendo ophon pa kompra di 40 avion adishonal di mesun tipo.

Ku e paso aki, Air France-KLM lo bira e operadó mas grandi di avion Airbus A350 di un biaha. E kompra aki ta parse un kambio di rumbo primeramente pa KLM, pasobra su flota aktual ta wòrdu dominá pa avionan di e fabrikante Boeing.

E desishon di e Grupo ta dirigí riba renobahon i optimalisashon di su flota di buelo di distansia largu, loke lo mehorá tantu nan prestashon ambiental komo ekonómiko. Entrega di e avionnan ta wòrdu sperá entre 2026 i 2030, dunando e Grupo fleksibilidat pa ahustá asignashonnan segun tendensianan di merkado i regulashonnan.

Efisiente i Atraktivo

Benjamin Smith, CEO di Air France-KLM, ta mustra riba e efisiensia i atraktividat di e avionnan for di un perspektiva di komodidat pa pasahero. Smith a enfatisá tambe e ròl krusial pa e avionnan nobo, pa logra metanan di sostenibilidat.

Air France-KLM ta persiguí un redukshon di 30% den emishon di CO2 pa kilometer di pasahero pa 2030.