KRALENDIJK – Entrante djaluna 2 di òktober Boneiru lo disfrutá di e benefisionan di Fun Miles na Van den Tweel tambe; Spar i troka punto, ademas di tur oferta i kampañanan atraktivo. Fun Miles i Van den Tweel Caribbean resientemente a firma un akuerdo nobo. Pa 15 aña kaba tin un kolaborashon eksitoso na Kòrsou, awor Boneiru ta na bùrt pa risibí èkstra benefisio na momentu di hasi kompra.

Gana premio mesora

Klientenan ku hasi uso di nan karchi di Fun Miles na Van den Tweel den promé siman di òktober tin chèns di gana 10.000 Fun Miles tur dia! Riba djasabra dia 7 di òktober tin un premio èkstra: shòp 1 minüt grátis! Mester keda pendiente pa mas oferta atraktivo. Sufisiente motibu pa bishitá Van den Tweel Supermarket i pa sigui nan riba retnan sosial. 

Un etapa nobo i eksitante pa miembronan di Fun Miles

Direktor di Fun Miles Wouter de Leeuw ta orguyoso. “Nos kolaborashon ta drenta un etapa nobo den kual tur nos miembronan na Boneiru tambe por probechá di ofertanan fantástiko, spar i troka Fun Miles na Van den Tweel.” Dor di añadí Van den Tweel komo partner e ta bira mas interesante ainda pa bira miembro di Fun Miles. Esaki por, fásil i lihé serka tur partner di Fun Miles. 

Carin Ippel, Group CFO di Van den Tweel Caribbean, ta orguyoso di e kolaborashon nobo ku Fun Miles. “Nos tin masha bon eksperensia ku Fun Miles na Kòrsou i mi ta entusiasmá ku nos supermerkado na Boneiru tambe por uni su mes. Mediante e kolaborashon nos por ofresé klientenan un programa di rekompensa masha bunita, i e ta bira mas interesante ainda pa hasi kompra di tur dia na Van den Tweel.”  

Van den Tweel: un gran variedat di produktonan di kalidat 

Van den Tweel Supermarket ta konosí pa su produktonan di kalidat í pa ta e supermerkado mas kompletu di Boneiru. Aparte di e surtido amplio di produktonan pa kushiná, limpiesa, higiena personal i hopi mas, nan tin nan mes panaderia ku tur mainta tin pan kayente i tambe nan famoso “croissant”! No por lubidá riba diferente departamento manera di bebida stèrki, huki pa kushina, i e famoso “Plenchi di Boneiru” kaminda tin produktonan lokal.

Tokante Fun Miles

Fun Miles ta e programa mas popular di spar i troka punto den Karibe. Miembronan di Fun Miles ta disfrutá konstantemente di kampañanan ‘fun’ i ofertanan spesial. Esun ku no ke pèrdè nada ta sigui Fun Miles riba retnan sosial, i ta bishita funmiles.net. Ta rekomendabel pa download e app di Fun Miles riba bo telefòn. 

Mas informashon?

Tuma kontakto ku nos departamento di servisio na kliente via number di WhatsApp +5999 5603300 òf bishita funmiles.net òf facebook.com/funmilesbonaire.