MARIGOT, SAINT MARTIN – Tribunal Komersial di Pointe-à-Pitre ofisialmente a aprobá e proposishon a pa adkerí e aktivonan di Air Antilles pa e konsòrsio ku ta konsistí di Kolektivité Territorial Ultramar di Saint-Martin i EDEIS.

E desishon a bini despues ku e grupo CAIRE, e akshonista tras di Air Antilles i Air Guyane, a bai den proseso di bankarota, kual a resultá den sinku oferta pa kompra di e kompania. E Tribunal a konsiderá faktornan manera kredibilidat, ekspertisio i seriedat di e grupo na momentu di tuma su desishon na fabor di e grupo COM Saint-Martin i EDEIS. E kompania ku ta bai operá Air Antilles awor tin e nòmber SEM New Air Antilles.

E proyekto tin dos meta prinsipal: mantenshon e aktividatnan di Air Antilles i promové mihó konekshon pa e region i su habitantenan. E oferta di e konsòrsio ta inklui pa tuma 120 empleado i lo reanudá servicio di forma direkto ku un total di kuater avion i e plan pa agregá un di sinku. E kompania lo enfoká primeramente riba rutanan esensial den Antia Franses, saliendo for di Pointe-à-Pitre pa Fort-de-France, Grand-Case na e parti Franses di St. Maarten i Saint-Barthélemy.

New New Air Antilles lo tin komo doño e gobièrnu di Saint Martin ku 60% propiedat di Kolektivité di Saint-Martin i 40% di EDEIS.

Mobilidat Regional

COM di Saint-Martin i EDEIS, kua ya ta administra aeropuertonan na Saint-Martin i Mayotte, ta reforsá nan papel den mehorashon di mobilidat regional pa benefisio di poblashon di Antias.

Louis Mussington, Presidente di COM de Saint-Martin, a ekspresá su konpromisoku e inisiativo. Jean-Luc Schnoebelen, Presidente di EDEIS, ta enfatisá e importansia di ofresé opshonnan di transporte  aksèsibel i adekuá pashero den región. 

E kompania nobo lo no atkerí e operashon konosi bou di e nòmber Air Guyana ku ta bula prinsipalmente na Guyana Franes, un pais besino di Sürnam.