SCHIPHOL – Riba 10 di òktober KLM ta kuminsá un prueba riba algun buelo internashonal, entre kua Kòrsou, kaminda ta kuminsá mas promé ku e proseso di abordá. “Nos a risibí señal ku en partikular riba e Boeing 777-300ER e 30 minüt ku tin poné pa abordá ta muchu pèrtá’, segun KLM.

No ta hasi e prueba solamente na aeropuerto di Kòrsou, pero tambe na esun di Accra, Johanneburg, Kaapstad, Atlanta, Vancouver, Singapore, Bali i Jakarta.

E plan ta pa kuminsá 10 minüt mas promé ku abordá, pues 40 minüt promé ku sali. KLM lo evaluá fin di e aña aki e resultadonan. E ora ei ta disidí si e kambio ta pèrkurá den práktika pa un desaroyo mas efisiente di e proseso di abordá. Si esei ta e kaso, lo evaluá  si por tèst òf introdusí e kambio riba buelonan ku otro tipo di avion.