PHILIPSBURG- E kompania di aviashon WINAIR a risibí su di dos ATR 42-500, PJ-WIW, na aeropuerto di St. Maarten djabièrne mainta. E avion nobo a yega nèt na un bon momento pa por kuminsá usa esaki pa temporada haltu, ku ta kuminsá novèmber.

Hans van de Velde, direktor di WINAIR, a mustra su entusiasmo tokante e ekspansion di nan flota. E promé ATR ku nan a risibí a na yüli ta operá bon i, según e aerolíña ta bisa, e pasaheronan ta kontentu ku e komodidat di e avion, i e echo ku en general, nan ta bula na ora.  Ku adishon di e di dos ATR, segun WINAIR ta bisa, nan por ofresé nan klientenan mas frekuensia pa nan destinashonnan, specialmente Curaçao, Aruba i Boneiru lo mira mas buelo. 

WINAIR durante e enkuentro a ekspresá su gratitut na e team di proyecto, specsífikamente na Marco London, e gerente di Quality Control di WINAIR i Michael Cleaver, lider di proyecto, Tambe a yama danki na na St. Maarten Civil Aviation Authority pa nan dedikashon i trabuo duru pa trese e di dos ATR den servisio. 

Krese

E ekspanshon aki ta pone St. Maarten den un bon posishon pa sigui krese ekonómikamente di un manera sostenibel. Klientenan por spera mas frekuensia pa nan destinashonnan i tarifanan kompetitivo. Mas detaye tokante e programashon nobo i tarifanan spesial to wòrdu anunsiá pronto.