WILLEMSTAD – E siman aki un agente polisial di 53 aña, mihó konosí komo Agente C., mester aparasé dilanti wes  relashoná ku akusashonnan di violensia eksesivo. Ta akusá e agente ku riba 22 di òktober 2021 el a uza violensia ekstrabagante, entre ku klòp òf uzo di un porta di outo pa maltratá un menor di edat

Segun e matutino Vigilante mas i mas agente ta aparesé dilanti wes pa motibu di violensia eksesivo. E agente konserní lo a dal i pusha un menor di edat i lo a dal e ku klòp na su pianan. Tambe e lo a pusha e menor di edat asina duru kontra e outo di polis ku el a bai dal su kabes òf lomba kontra e porta. Tambe Agente C. lo a dal e porta di outo kontra pia di e víktima, lokual a okashoná doló i leshon.

Awor numa ta trata e kaso, ku a tuma lugá dos aña pasá, pero ta remarkabel segun Vigilante ku mas agente mester a aparesé dilanti di wes pa laga husga nan aktuashonnan durante nan servisio.

Otro kasonan

No mas ku un siman pasá un otro agente polisial mester a aparesé dilanti di tribunal pa motibu di uzo di su arma reglamentario, pero a trata e kaso ei pro forma, pasobra su abogado a pidi pa mas investigashon i pa tende testigunan, entre kua koleganan agente.

E agente en kestion a deklará ku el a uza un arma di kandela i a lòs dos tiru riba pianan di un sospechoso durante un konfrontashon ku un persona ku tabatin un vehíkulo hòrtá.

Pero kasonan mas severo tambe ta ponebo asumí ku agentenen individual ta mantené nan propio reglanan. Asina por ehèmpel na 2018  ta tira riba un ladron, ku ta kibra drenta, den su lomba durante ku e ta hui bai, pasobra e lo tin un arma den su tas di lomba. Polis i Ministerio Públiko ta dunando deklarashonnan kontradiktorio tokante tirunan di atvertensia i identifikashon di e agente, pero ora e famia no riska  hasi denunsia kontra e agente, Ministerio Públiko no ke persiguí.

Integridat 

Na 2022 Konseho pa Mantenshon di Lei ta konstatá ku polis di Kòrsou ta faya den mantené nan propio integridat. Tin un fayo den entrenamentu i medidanan preventivo i insufisiente efektividat den e aktual reglanan di komportashon.

E kuerpo mester hasi integridat un parti prinsipal di su maneho di personal,inkluso kòmbersashon di funshonamentu i entrenamentu. E kòmbersashonnan aki sinembargo no ta tuma lugá i no tin un sistema di evaluá òf formashon adekuá. Ounke ta tumando pasonan pa mehorá esaki, tin falta di un maneho pa implementashon di reglanan di komportashon i sanshonnan.