ORANJESTAD – Djabièrne 17 di novèmber 2023 Korte Komun di Hustisia di Aruba, Kòrsou, Sint Maarten, Boneiru, Sint Eustatius i Saba a habri ofisialmente su di sinku filial, na Sint Eustatius.

Presidente di Korte Komun di Hustisia, mr. De Kort a papia di un deseo di hopi tempu. “Tabata un deseo personal ku mi a anhelá hopi tempu pa por a hasi realidat, meskos pa mi koleganan di Korte, pa habri un filial na Sint Eustatius. Te ku último kasonan tabata ser tratá den e sala kaminda ta tene reunionnan di Konseho Insular den Guesthouse di Sint Eustatius. Den e último añanan a bini basta petishon di gobièrnu lokal i di pueblo di Sint Eustatius na mi persona pa hasi korte mas presente riba e isla chikitunan. Den un bon kolaborashon ku Ministerio Hulandes di Hustisia & Seguridat, meskos ku Ministerio Hulandes di Asuntunan Interno i Relashonnan den Reino mi ta kontentu ku awe nos ta habri e portanan di nos propio filial di Korte na Sint Eustatius. Tambe nos lo tin un propio bali i nos por ofresé e habitantenan di Sint Eustatius un miho akseso na hustisia.”

Historia riku

E edifisio ku ta keda na Kerkweg 6 a ser konstruí na aña 1795 i ta konosé un historia riku. Desde awor e kasonan lo tuma lugá den e edifisio históriko aki i e griffie no solamente ta disponibel ora ku e wes ta bula for di Sint Maarten. Pa kuminsá, dos biaha pa siman lo tin un griffiemedewerker pa informá e habitantenan i pa tuma dokumentonan