KRALENDIJK – Djasabra un grupo di Junior Ranger di STINAPA Bonaire a sigui un kurso kon pa duna oksígino na un sambuyadó ku a haña su mes den problema. Junior Rangers Ailyn Balladares, Andrea Francisca, Kayla Approo, i Christiaan Smeets tur a kompletá nan training na VIP Diving i awe nan ta PADI Emergency Oxygen Providers sertifiká.

E Junior Rangers a siña tokante e uso di oksígeno pa emergensia ora di sambuyá, kon pa arma i desarmá e aparatonan pa duna oksígeno i ki ora mester usa ki tipo di máskara.

E organisahon di e Junior Rangersnan ta gradisí divemaster Carlsten Janga pa su yudansa durante e treinen.