KRALENDIJK – Na okashon di Dia Internashonal di Aviashon Sivíl, Bonaire International Airport (BIA) a organisá su FOD Walk anual siman pasá. Durante e aktividat aki, personal, ta kita diferente opheto manera pida metal metal, plèstik, i otro materialnan lòs for di tereno di aeropuerto. Esakinan por kousa daño na avion durante maniobra di taksi, despegue, òf aterisahe.

Promé ku e kaminata, Airport Safety Officer i direktor di BIA a duna un splikashon kòrtiku tokante e importansia di kita opstákulo for di terenonan na un aeropuerto. Ta un responsabilidat kolektivo pa evitá ku ophetonan aheno kousa posibel daño.

Plan di Prevenshon

E Plan di Prevenshon di FOD di BIA ta enfoká, riba prevenshon di e tipo di materialnan aki riba tereno i e manera korekto pa desasí di esakinan. Riba tereno di BIA tin diferente Kliko hel kaminda por depositá kalke opheto ku no mester ta einan. 

Segun BIA ta bisa, e aktividat ta kontribuí na e konsentisashon di seguridat i kultura di seifti na aeropuerto.