MARIGOT/POINT-A-PITRE – E reinisio di e aerolínea Air Antilles, ku a keda declará bankarota algun luna pasá, ta dura mas largu ku loke a spera. 

E aerolínea ku ta operá for di Guadeloupe ta kere ku awor e buelonan lo por kuminsá te ku fin di e promé kuartal, na lugá di e kumienso di 2024. E reinisio, dirigí pa e holding Frances Cipim i e gobierno di e parti franses di St. Maarten ta bisa ku el a topa sierto opstákulo relashoná ku mantenshon di e flota. 

Cipim a resultá ganado den un proseso di findishi ku a tuma lugá òktober 2023 pa atkerí un parti di Air Antilles ku tabata kai bou di e Groupe Caire. Un audit nesesario pa por kuminsá bula atrobe lo por tuma lugá den yanüari òf febrüari, segun Jérôme Arnaud. E ta vice-director general di Edeis, e holding di e operador di e aeropuerto. 

Cipim ta buska moda pa keda ku sinku di e dies avionnan ku Air Antilles tabata operá na momento di su siere. E kompania su nòmber nobo, temperal ta Sem New Air Antilles.

Kooperashon 

Air Antilles tabata pa hopi aña tabata un partner  importante di e kompania WINAIR, establesé na Sint Maarten. E dos kompania huntu tabata ehekutá buelonan entre otro entre St. Maarten i e islanan ABC. E koperashon a yega na su fin, na momento ku un malkontentu bou di e personal di Air Antilles a kondusí na un wèlga prolongá, ku finalmente a kondusí na e fayit di Air Antilles su doño, Groupe Caire.