SCHIPHOL – Pa motibu di wer awe senterares di buelo tin retraso òf a anulá nan na Schiphol. Diferente buelo pa Boneiru i Kòrsou tambe tin retraso. Esaki tin konsekuensia pa mas buelo di tantu KLM komo TUI pa e islanan Karibense. Biaheronan mester tene kuenta ku retrasonan den e skema di buelo.

Buelo KL769 di KLM pa Boneiru, ku originalmente mester a sali 12.50, ta posponé te 13.40. KLM735, ku originalmente mester a sali pa Kòrsou 10.45, ta retrasá te 11.15

E buelonan di TUI tambe ta eksperesiando retraso. Buelo OR351 pa Kòrsou ku tabata planiá pa 12.55, ta sali awor 13.30. Buelo OR391 di 13.25 ta bai awor pa 15.15. Buelo di Corendon CD599 pa Kòrsou si ta keda mésun ora.

Ta konsehá amigu- i famianan ku mester buska pasaheronan na aeropuerto Hato di Kòrsou òf aeropuerto Flamingo di Boneiru, pa keda tene e orarionan di yegada minusiosamente na bista. Ta posibel ku por rekobrá sierto retrasonan na kaminda.