KRALENDIJK – Fundashon Mariadal a yama bonbini na avion di operador nobo di ambulans aéreo SARPA durante un seremonia kòrtiku na Flamingo Luchthaven djamars.

Mariadal mes ta hopi entusiasmá tokante e kolaborashon, destakando, entre otro kos, ku e avion nobo por transportá dos pashent simultáneamente. “Un adishon sigifikante na e servisionan eksistente ta e habilidat pa transportá dos pashènt du kuido intensivo riba strètshernan di ambulans aéreo simultáneamente ku e avionnan di SARPA.”

Direktor di hospital, Giovanni Frans, tambe ta kontentu tokante e kolaborashon nobo. “Nos ta kontentu ku e kolaborashon aki. Sarpa a demostrá ta un partner konfiable, i huntu ku nan nos por ofresé un servisio ainda miho.”

Skeptisismo

Sinembargo, tin tambe boses krítiko. Algun hende ta mustra riba e echo ku e avion turboprop k uta bai usa, ta bula mas poko poko ku e Learjetna ku e kompania Medicair ta usa i di kual Fundashona Mariadal pa años a hasi uso. 

Ademas, tin tambe indikashon ku lo tin problema ku e parti di permit. Ekspertonan riba e tereno di aviasion den Reino ta mustra ku no ta permití pa un kompania kolombiano manera SARPA bula entre e islanan di e anterior Antias Hulandes.