WILLEMSTAD – Skohiendo pa su propio buelonan pa Kòrsou, Corendon a dal un stap remarkabel den e sektor di biahe di 2024. E desishon aki a bini despues di un konflikto ku KLM tokante un kontrato nobo, kaminda KLM kier a laga Corendon paga mas tantu pa ménos stul. Steven van der Heijden, e hòmber klave di Corendon ku a baha resientemente, ta enfatisá den Quote e importansia di eskohonan sabí den industria di biahe.

E wega riskante di Corendon tabata un kontesta riba e eksigensianan di KLM, ku segun Van der Heijden tabata imposibel. Despues ku a habri un di tres hotèl na Kòrsou, stòp di bula pa e isla no tabata un opshon pa Corendon, i sigui ku KLM tampoko. 

Corendon, ku anteriormente tabata traha huntu ku KLM pa buelonan pa Kòrsou, ta bula su mes awor aki sinku biaha pa siman di Schiphol pa Hato. Ku esaki e buelonan semanal entre ámbos aeropuerto ta oumentá di 15 pa 20. Van der Heijden ta deskribí e paso aki komo “ku doló na kurason”, pero nesesario pa pèrkurá pa sufisiente kapasidat di buelo.

E eskoho pa bula independientemente ta trese riesgonan grandi kuné. Corendon ta responsabel tambe awor pa bende stulnan lòs, lokual ta algu ku nan no tin hopi eksperensia kuné. Tambe tin e retonan di buelonan di distansia largu i gastunan di kompensashon haltu ora tin retraso.

Berlin

A haña un solushon durante un enkuentro na un bolsa na Berlin entre fundadó Atilay Uslu i e kompania di aviashon World2Fly. World2Fly, ku tabatin stul dimas a konsekuensia di e pandemia, a ofresé Corendon e oportunidat pa kuminsá ku su propio buelonan barata. “Esei tabata suèrtè,” segun Van der Heijden.

E strategia di Corendon ta dirigí riba krea  eskala i tene e kadena mas tantu posibel den propio man. Segun Van der Heijden Corendon no por konkurí ku e efisiensia di kompanianan di aviashon manera EasyJet òf Ryanair, ni tampoko nan no ta ofresé diversividat na akomodashon manera Booking.com. Pero loke Corendon ta hasi si ta ofresé un produkto ku ta kompletamente organisá.