KRALENDIJK- Aktualmente pasaheronan por enkontrá difikultat ora di buk pasashi pa Boneiru riba e website di e aerolínea Merikano United Airlines. Apesar ku e aerolínea ta bula pa e isla varios biaha pa siman, Tourism Corporation Bonaire (TCB) aktualmente ta risibiendo vários keho di turista ku no ta logra buk nan pasasi, simplemente pasombra Bonaire no ta aparesé den e lista di destinashonnan.

Despues di algun investigashon, a keda konstatá ku ta trata di un fayo tekniko temporal. Entre tanto, e aerolínea ta trahando duru pa resolvé e problema, ku realmente no ta afektando solamente Boneiru, sino tambe algun otro destinashon.

TCB ta konsehá pasahero pa, si mester, hanjá nan biahe via un otro sitio pa compra di pasashi. “Si klientenan ta buska por ehèmpel via di Google Flights òf un otro instrumento pa hasi reservashon online, e buelon di United por wòrdu hañá normal” TCB ta bisa en un komunikado den transkurso di djamars.