WILLEMSTAD/KRALENDIJK- E aerolínea JetAir Caribben ta bai hasi un di tres intento pa kuminsá ku buelonan regular entre Boneiru ku Kòrsou. 

E promé intento tabata aña pasá, ora e aerolínea a anunsia su intenshon pa inkluí Boneiru den su programa di buelo. E biahanan di triángulo, operá ku e avion Fokker 70, a resultá poko eksitoso i no a dura mashá. Esaki tabata parshalmente debí na e echo ku e buelonan sea ora di bai, òf ora di bin tabata pasa Aruba, resultando den un tempu di biahe relativamente largu. Na di dos lugá e oranan di salida no tabata mashá kumbiniente i nan di tres lugá e avion ta un relatifamente karu pa buelonan entre e islanan.

Un di dos intento pa e aerolínea a tuma lugá den e delaster kuartal di 2023. Atrobe, e buelonan a wòrdu anunsiá ku gran entusiasmo. E biaha aki, lo a ehekutá tabata ta e plan pa ehekutá e buelonan ku un avion ATR di otro kompania, inkluyendo pilot ku stiwardès. Sinembargo, e aerolínea no por a keda kla ku e dokumentashon pa e avion en kestion. Ya ku JetAir a bende bastante pasashi, mester a paga tur pasahero bèk. 

Mart

Djamars, JetAir a anunsiá atrobe ku e tin planeá pa di tres biaha pa kuminsá ehekutá buelonan regular pa i for di Boneiru, kuminsando for di dia promé di mart, 2024. E plan ta pa e aerolínea operá seis biaha pa siman, dos biaha pa dia, entre Bonaire i Kòrsou. Solamente riba djasabra lo no ehekutá e buelonan aki.

E biaha aki tambe, buelonan lo keda operá ku un avion i tripulashon di hür for di un otro aerolínea. E biaha aki, lo e plan ta pa usa un avion Saab340, ku ta e mesun tipo di avion ku t Z Air ta usa.

Preis

E tarifa di promoshon ku JetAir ta ofresé ta di 190 dòler, ku ta un tiki mas barata kompará ku loke Divi Divi i Z-Air ta ofresé. E tarifa normal (basic) ku 210 dòler pa ida i buèlta ta un tiki mas karu ku e dos kompetidónan riba e ruta.