KRALENDIJK- Entre djaluna 26 di febrüari i djaluna 11 di mart a duna vários but pa violashon den tráfiko durante di kòntròlnan rutinario.

A parti 8 but pa manehá sin hèlm bisti, 21 but pa kore sin reibeweis bálido, 16 but pa manehá sin seguro bálido, 6 but pa tene telefòn den man miéntras ta stür, 21 but pa kore sin faha di seguridat bisti, dos but pa manehá den direkshon prohibí i 1 but pa no transportá mucha den stul pa mucha.

KPCN ta hala atenshon di un i tur pa nan tin e dokumentunan nesesario manera menshoná akiriba, na òrdu. Tambe ta konsehá estriktamente pa kumpli ku e reglanan di Lei di Tráfiko.