KRALENDIJK – Usuarionan di kaminda tin diferente opinion riba e instalashon di un barera di seguridat (vangrail” na banda di Kaya Gobernador Debrot, en frente di District Shopping Center i dilanti di MCB Hato. 

Ounke for di un punto di bista di siguridat di tráfiko e vangrail por ta un bon idea pa evitá ku ta peatónnan krusa kaminda unda esaki no ta pèrmití, hopi  hende no ta konsiderá e barera un bista bunita. “Si bo ta pone un vangrail, esaki no ta impliká ku e restu di e infrastruktura mester ta na òrdu tambe, manera arsera i kaminda separá pa siklista?” un habitante di bario Hato ta puntra su mes. Un otro usuario di kaminda ta remarká ku e barankanan di piedra ku tabata tin antes, tabata pas mas den e ambiente natural di Boneiru, ku ta e kaso ku e vangrail. 

Komunikashon

Pa mayoria usuario di kaminda i spesialmente pa e habitantenan di bario Hato, e instalashon di e barera di metal a yega manera di sorpresa.