ORANJESTAD – Fondo Nasional di Restorashon resientemente a duna un fiansa ku interes abou pa restorashon di The Old Gin House, un edifisio históric na Oranjebaai na Sint-Eustatius.

E edifisio prinsipal, ku ya na 1760 tabata na uzo komo un hotèl, tin un historia riku. E tabata, den pasado, forma parti di un lugá di komèrsio vibrante, kaminda miles di barku for di Oropa, Amerika i Afrika tabata mara. Den siglo siguiente, e edifisio a sirbi komo un fábrika di katuna i tambe desposito. E blòkinan korá karakterístiko, ku a yega e isla komo balans di barku di komèrsio Hulandes, ta testigu di e pasado.

Despues di e restorashon, e edifisio lo haña un destino nobo, ku entre otro un bar i un deposito di biña den e parti abou.  Inspektor di Patrimonio Raimie Richardson di e Entidat Públiko Sint-Eustatius ta mantené un bista djaserka riba e progreso di e proyekto.

Pannenbier 

Djabièrnè a selebrá e restorashon ku pannenbier, tresé pa Hans Jacobs i Harry Kers di e Fondo di Restorashon, komo un muestra di apresio pa e trabou di e trahadónan di konstrukshon trahando riba a proyekto.