KRALENDIJK- Luca Louise Rosalie, studiante di MBO, a sali ganadó apsoluto di e ‘Sushi òf Dushi Kliko Chellenge’. 

Djabièrnè  atardi tabata e momentu final pa kada pintor di riba Kliko a presentá nan arte. Na e okashon tabata presente diputado Hennyson Thielman i diputado James Kroon, ku a menshoná ku nan a keda hopi kontentu ku e proyekto pa pintamentu riba Kliko. 

Hurado

Despues a duna un splikashon kon a yega na e idea pa e proyekto pintamentu riba Kliko. E parti final tabata kaminda e huradonan a sinta i a duna punto pa saka e ganadónan. E huradonan a keda enkantá pa e diseñonan riba e klikonan.