Kralendijk- Riba djamars ta spera ku ta bai bula e grèns di 3000 hende ku ya a pasa e bakuna kontra di Covid-19 te asina leu.

Pa loke ta traha e kantidat di hende total ku a registrá pa risibí e bakuna, esaki ta yegando 4000. Ta spera ku pronto por habri registrashon pa hendenan mas hoben ku 60.

Segun diputado Den Heyer, aktualmente no por bakuná muchu mas hende, simplemente pasombra no tin sufisiente bakuna na Boneiru ainda.

Mas bakuna

Manera AworBonaire.nu ta komprondé pronto lo yega sufisiente bakuna pa bakuná 5500 hende adishonal ku ambos angua ku tin ku pasa. E bakuna adishonal tambe lo ta di e marka Pfizer.

---