The Bottom, Saba- E isla di Saba ta bai instalá hèntsènetaiser rònt e isla. Pa esaki, Gobièrnu di Saba a kumpra no ménos ku 150 aparato ku ta insalando e siman aki na diferente punto na e isla.

E proyekto ta un insisativa di diputado di Turismo Bruce Zagers. E instalashon di e aparatonan ta importante, pasombra Saba ta planeando pa habri bèk pa turismo den luna di mei di e aña aki. Esaki ta posibel despues ku un 85% di tur adulto na e isla a keda bakuná konta di Covid-19, hasiendo e isla den su totalidat kasi imuno pa e malesa.

Stratégiko

E aparatonan lo wòrdu instalá entre otro na lugánan manera aeropuerto i haf, pero tambe na entrada di pakus, hotèlnan i otro lugá kaminda tin hopi hende ta yega.