WILLEMSTAD – Kuerpo polisial a detené un èks-empleado di Ministerio di Desaroyo Sosial, Labor i Bienestar (SOAW) riba sospecho di  froude ku sosten di corona. E lo depositá montantenan, ku tabata destiná pa kliente ku mester a risibí sosten di corona, riba su propio kuentanan di banko. 

Pa un temporada kaba Landsrecherche a kuminsa un investigashon penal den e kaso aki. Den kuadro di esaki, awe mainta, a hasi un entrada hudisial na kas di e èks-empleado aki. A konfiská dokumentu i portadó di dato. E investigashon ta kontinuá.