KRALENDIJK – E ámtenar di duana detené riba 7 di febrüari riba enkargo di Ministerio Públiko BES a rekobrá su libertat riba djárason 16 di febrüari.

E investigashon di Rijksrecherche ainda no ta duna niun konfirmashon di e sospecho di korupshon atministrativo. E investigashon ta kontinuá, partikularmente riba kontenido di diferente kargadó di informashon ku a pone beslag riba dje durante di e entrada hudisial ku a tuma lugá riba 7 di febrüari.

Asina ku e dosié final ta kla, Ministerio Públiko lo tuma un desishon final.