Kralendijk- E kantidat di kontagio di Covid-19 na Boneiru ta sigui baha. Un aspekto preokupate ta ku e porsentahe di hende ku ta tèst positivo ta sigui haltu.

Awe 29 di mart 2021 tin 371 kaso aktivo di Covid-19 na Boneiru. Di e 38 resultadonan di tèst ku a drenta, 16 a resultá di ta positivo. 38 hende a rekuperá di Covid-19. En total tin 16 persona den hospital. Tin 14 persona hospitalisá na Boneiru, bou di nan tin 5 ku ta ta haña kuido intensivo.

Tin 1 persona den hospital na Kòrsou i 1 persona ta den hospital na Aruba.

Tèst

Gobièrno ta keda hasi u apelashon riba hende ku ta sinti síntoma di Covid, pa hasi yamada pa traha sita pa bai tèst.