WILLEMSTAD – Polis ta pidi búskeda di e hóbennan Jeannaithel Jeandor i Suniel Jozef ámbos nasé na Kòrsou. Jeannaithel tin 15 aña di edat i Suniel 14 aña di edat.

For di djaluna 7 di mart 2022, alrededor di 20.45’or e dos hóbennan aki a logra hui for di JJIC na Kaya Brudernan di Dongen. Polis ta supliká tur persona ku por duna kualke informashon tokante di e hóbennan aki pa tuma kontakto ku polis na number di telefòn 917 òf e number anónimo 108.

Jeannaithel tin e siguiente deskripshon: 1.80 m, postura delegá, kabei maron kòrtiku, koló di kueru maron kla i koló di wowo ta maron.

Suniel tin e siguiente deskripshon: haltura: 1.65 m, postura delegá, kabei maron kòrtiku, koló di kueru maron kla i koló di wowo maron.