WILLEMSTAD – E luna tras di lomba polis mester a aktua 108 biaha den kasonan ku nan ta yama: kriminalidat ku impakto haltu. Ta trata di ladronisia, atrako i violensia relashonal. E kantidat ta komparabel ku esnan di luna di aprel.

Mayoria kaso ta trata violensia relashonal. 37 porshento di denunsianan tabata trata violensia relashonal. Gran kantidat di pleitu den esfera relashonal ta tuma lugá entre 9’or i 10’or di anochi.

Den komparashon ku luna di mart i aprel e kantidadt di kasonan di violensia relashonal a bira dòbel. Polis no tin sifra di luna di mei.

Na di dos lugá ta bini kriminalidat kaminda tin outo enbolbí. Den luna di yüni a kibra i habri 22 outo pa hòrta kos afó. Tambe a kibra i habri 5 outo pa bai ku e outo mes. Ta notabel ku e 27 insidentenan aki ta  ménos ku e 38 kasonan den luna di aprel.

Polis mester a presentá 31 biaha pa motibu di kiebro den kas- i negoshinan. Esaki tambe ta ménos ku e 42 kasonan di kiebro den luna di aprel.