KRALENDIJK- Resientemente KPCN a bira miembro di e organisashon internashonal No More Ransom. 

No More Ransom ta ofresé yabi pa desblokiá fail blòkiá i tambe informashon tokante kon pa bo prevení ku ta infektá bo fail na promé instante. Europol, Polis Hulandes i kompanianan di seguridat di IT a lansa No More Ransom i en prinsipio tabata ofresé solamente kuater instrumento pa desblòkiá diferente tipo di ransomware i tabata optenibel solamente na Ingles.

Pa selebrá e aniversario di seis aña di e organisashon ta duna atenshon èkstra na ransomware pa medio di publiká video ku ta mustra entre otro tep di prevenshon riba medionan sosial. Pa wak e vidionan wak riba e página di Facebook di Korps Politie Caribisch Nederland òf Rijksdienst Caribisch Nederland.

Mèldu

Si bo a bira víktima di atake sibernétiko menshoná ariba, òf posiblemente tabatin di haber ku otro tipo di krímen sibernétiko, tuma kontakto ku e departamento di ‘Cybercrime’ di Kuerpo Polisial Hulanda Karibense via number di telefòn 715 8000 òf via meil na [email protected]