KRALENDIJK- Djadumingu pa mas o ménos 13.18 or,  sentral di polis a wòrdu notifiká  ku a haña un kurpa sin bida, den estado di deskomposishon avansá, di un persona maskulino, na kosta nort di Boneiru (altura di Morotin). 

Dòkter (schouwarts)  a presentá na e sitio y a konstatá morto ofisial.  Riba òrdu di fiscal a tuma e kurpa sin bida den beslag pa mas investigashon. 

Te na e momento di e komunikado aki ningun persona no a duna di konosé na polis ku lo tin un persona pèrdí na Boneiru.  Ta hasiendo investigashon pa asina identifiká e kurpa sin bida.  

Ta hasi un supliká pa si akaso tin persona ku ta na altura ku tin un persona maskulino pèrdí pa notifiká di esaki mas pronto ku ta posibel na kuerpo Polisial.