ORANJESTAD – Preis di gasolin i disel ta baha drástikamente na Aruba entrante mañan 10 di ougùstùs. Gasolin ta bira 42,5 sèn mas barata pa liter i disel 32,2 sèn.

Un liter di gasolin ta sali e ora ei 2,93 florin i pa un liter di disel bo ta paga 2,78 florin. Àmbos a bira mas ku djes porshento mas barata.

E bahada di preis ta konsekuensia di e preisnan di kompra ku ta bahando pa gasolin i disel i ta bini despues ku pa lunanan largu preisnan tabata subi i subi.